३ ढाकचा भैरी
* असेच एकदा ३१ मे रोजी लोणावळ्या जवळ एक दिवसाच्या राजमाची व ढाकच्या ट्रेकचे आयोजन केले होते. वर्तमानपत्रा ट्रेकची जहिरात दिली. सकाळच्या ६ च्या लोणावळा लोकलने निघालो, त्यामध्ये काही जण पुणे रेल्वे स्टेशनवर,तर काही तळेगावला चढले व लोणावळ्यात एकूण ४६ जण गोळा झाले.
राजमाची
वाट माहिती असलेले बरोबर दोघच प्रसाद काशिकर व सचिन जोशी. राजमाचीहून ढाकच्या भैरीला जाताना वाटेत पाणी नव्हते, त्यात दुपारी काहीजण करवंदाच्या जाळीत घूसले, ऊशीर झाला. ढाकच्या गुहेत जाण्यासाठी वेलीला धरून जावे लागते. ही वेल दर वर्षी दसर्ऱ्याच्या/ पाडव्याच्या दिवशी बदलली जाते.
वेलीची वाट
ढाकची गुहा
ढाकच्या गुहेत पाण्याच्या टाक्यात स्वयंपाकासाठी भांडी आहेत. वापरून धूवून परत टाक्यात ठेवायची.<br>
<br>
मग प्रसादने परत लोणावळ्यात जाण्याऐवजी पलिकडे वधप गावात ऊतरुन एसटीने कर्जतला जायचे ठरवले. कसेबसे आम्ही २०-२२ जण वधपमधून रात्री ८ च्या एसटीने कर्जतला पोहोचलो. दुसरी ९ वाजताची मुक्कामी एसटी होती, त्यामुळे उर्वरीत सर्वजण वधपमध्ये एका शाळेतल्या शिक्षकांच्या घरी पिठलं भात खाउन थांबले होते.<br>
<br>
मग मी व श्रीरंग जवळगीकर कर्जतला स्टेशन बाहेर पानपट्टीवर नाना म्हामुनकर नावाच्या व्यक्तीला भेटल़ो, रात्री कर्जत टेलीफोन एक्सचेंज मधून पुण्यात आ्ँफीसला फोन करून सगळे सूखरूप असल्याचे व आम्ही दुसऱ्या दिवशी येत असल्याचे कळविले. मग रात्री नाना म्हामुनकराच्या मित्राच्या ट्रकने वधप गावातून राहिलेल्या सर्वांना कर्जतला आणले. सकाळी कर्जत लोकलने पुणे गाठले.<br>
<br>
<br>
<br>
<br>
<br>
<br>
<br>
<br>
<br>
<br>
Comments
Post a Comment